Imagjinoni sikur të mund të shkonit në një adresë të vetme fizike, të ngrohtë, mikpritëse, e të mbushnit çantën e dhuratave të Krishtlindjeve me kënaqësinë e realizimit të kësaj detyre në mënyrën më të mirë të mundshme, me artikujt më mbreslënës dhe më të veçantë.
Lodra, dhurata, artikuj dekorativ, batanije, gjithçka për foshnjat dhe fëmijët e vegjël kureshtarë e bëjnë këtë vend të shkëlqejë si askund tjetër. Këtë vit, sektori i lodrave dhe lojrave në LILIPOP Concept Store është përzgjedhur me kujdes të pazëvendësueshëm nga Fjorela.
Hidhini një sy kësaj liste të paharrueshme me alternativa për më të vegjlit, për të gjitha festat e fundvitit 2020!
Mes gamës të larmishme të artikujve ne ndërtuam një listë me 5 hapa dhe TOP 5 dhuratat më të kërkuara të momentit nga ku mund të frymëzoheni në këto ditë të ngarkuara.
Kini parasysh, një dyqan fizik që i përmban të gjitha është zgjidhja më e mirë që mund të bëni para se të nisë sezoni i cmendur i Festave.
Le të shohim çfarë mund të gjeni në LILIPOP Concept Store.
TAGRAM nga Hape. Mosha 3+
Tangrami është një formë puzzle-i që shpërbëhet në shtatë forma të ndryshme, të sheshta, të cilat vendosen afër njëra tjetrës për të krijuar figura të reja. Synimi i këtij puzzle-i është që të shtata format të formojnë një figurë specifike pa u mbivendosur. Vlen për tu përmendur se Hape është nga prodhuesit më të mëdhenj ndërkombëtarë të lodrave ekologjike prej druri. Ime bijë Viki u argëtua pa masë duke realizuar format dhe duke krijuar edhe të tjera me imagjinatën e saj.I pëlqeu tepër dhe qartazi kreativiteti i saj gjithashtu u stimulua. Mund ta merrni me mend se shpenzoi të paktën disa orë të mira duke luajtur me Tangram-in.
MARBLE RUN. Mosha 6+
E rradhës në listën tonë është një lojë për femijët mbi 6 vjeç që patjetër u zhdërvjelltëson trurin dhe emocionet. Shpesh më pyesin për ide mbi dhuratat për fëmijë më të rritur (si im bir Davidi që është 11 vjeç, apo edhe më të rritur). Alternativat për këtë moshë janë më të limituara (nëse nuk doni tu blini atyre lojëra elektronike) dhe këtë e them nga përvoja personale. Marble Run është zgjedhja perfekte për këtë grupmoshë!
Së pari, ndërtohet struktura me kujdes duke ndjekur instruksionet. Në këtë pikë na u desh mjaftueshëm punë në skuadër dhe të punosh së bashku me familjen do të thotë t’i nxisësh dhe udhëzosh fëmijët të rrisin mundësitë e tyre të të nxënit. Përfitimet e këtij aktiviteti të përbashkët jam e bindur që i njihni mirë!
Ndërtimi i Marble Run është një mësim kreativiteti dhe durimi dhe ne mund ta ndajmë realizimin e këtij projekti në etapa të menaxhueshme nga vetë fëmijët. Ata do të jenë jo vetëm duke krijuar aftësi njohëse dhe motorike por do të jenë gjithashtu duke krijuar vetëbesim në realizimin e strukturës të marble run.
Të krijosh një atmosferë në të cilën fëmijët ndihen të sigurt është tepër thelbësore megjithatë, të gjesh mënyra për të zhvilluar aftësitë e tyre mendore dhe fizike në shtëpi është gjithashtu e rëndësishme. Përdorimi i Marble Run në mënyrë kreative i mundëson prindërve të ndihmojnë fëmijët në krijimin e aftësive që do të zgjasin përgjatë gjithë jetës.
The FARM Puzzle + Figura ngjitëse. Mosha: 3-6
A është fëmija juaj i dhënë pas stikerave? Ne jemi! Farm puzzle ka mbi 106 figura ngjitwse për tu plotësuar. Ndërsa vëzhgojnë figurat dhe punojnë me materialet e dhëna në bashkëpunim me prindërit e tyre fëmijët përmirësojnë koordinimin manual, perceptimin e tyre vizual dhe janë të prirur të mësojnë fjalë të reja.
Qëllimi i puzzle-it të bollshëm me tematikë nga ferma është të plotësohet me mbi 100 figura ngjitëse. Pjesët vendosen së bashku, studiohet forma e secilit objekt dhe gjendet ngjitësja përkatëse. A nuk është tërheqëse? E pash Vikin tepër të përfshirë në zgjidhjen e enigmës dhe të intriguar në gjetjen e formave gjegjëse për kafshët. Ishte mbresëlënëse!
Ju sugjeroj të proçedoni si vijon: çdo herë që fëmijët zgjedhin një stiker drejtojuni pyetjet: “Si quhet kjo kafshë?”, “Po kjo, çfarë kafshe është?”, etj.
Para se forma të vendoset në vendin e duhur, secili fëmijë duhet të jetë i aftë të dallojë karakteret dhe objektet përkatëse dhe t’i thojë emrat e tyre me zë të lartë. Ju sigurojë që kjo do të jetë një mënyrë e shkëlqyer(aq edhe argëtuese!) që ju dhe fëmijët të mësoni fjalë të reja, ndoshta edhe një gjuhë të re (nëse për shembull përdorni fjalë në anglisht për të përshkruar figurat).
Kjo lojë mund gjithashtu të përdoret si terapi për zhvillimin e të folurit nëse udhëhiqet si duhet nga një i rritur.
Mund të lexoni më tepër mbi këtë periudhë të ndjeshme (kliko).
Lexoni më tepër mbi zhvillimin gjuhësor (kliko).
SALT DOUGH ASTRA 450G plus 6 paint colors. Mosha 4+
Jeni gati për pak art të frymëzuar nga festat? Më duhet ta pranoj se kandidati i rradhës në këtë listë ma mori zemrën mënjëherë. Përveçse i përshtatet trendit të riciklimit, stimulon imagjinatën e fëmijëve në një mënyrë mahnitëse! Shumica e fëmijëve e kanë një artist të vogël brenda tyre dhe ja vlen të mbështetet dhe zhvillohet fryma Kreative. Vlen për tu kujtuar se aktivitetet artistike kanë një ndikim të dukshëm në përqendrim, saktësi dhe aftësi të lëvizjes. Dhe siç edhe vetë Maria Montessori është shprehur, të rrethosh fëmijën me të bukurën është jashtëzakonisht e rëndësishme.
Seti SALT DOUGH ASTRA 450G gjithashtu përfshin 6 ngjyra për të pikturuar. Përzierja për krijimin e plastelinës është gati menjëherë pasi i shtohet pak ujë. Kjo lloj plasteline mund të përdoret për krijimin e zbukurimeve, bizhuve, figurave (p.sh. engjëj, dele), vargje dekorative, gërsheta apo shporta, xhingla argëtuese për çdo rast!
Plastelina prej kripe mund të kombinohet edhe me përbërje të tjera – me erëzat e kuzhinës, me lule të thata, me kallinj gruri, barishte si edhe me stofa të ndryshme.
Ne e dimë mirë se, i vetmi kufi yni është imagjinata, ndërsa në këtë pikë fëmijët nuk njohin limite. Duke qenë kaq pranë Krishtlindjeve ne realizuam disa zbukurime si: nje engjëll, zemra, një plak bore. Një ushtrim i shkëlqyeshëm për duart e vogla, një shpërthim kreativiteti si dhe një investim i mirë kohë për prindërit.
Sepse gjithçka duam për Krishtlindje është DASHURIA!
Shpresoj ta keni shijuar përzgjedhjen tonë të dhuratave për Krishtlindje. Na tregoni cili është mendimi juaj dhe cilat ju pëlqyen më tepër nga kjo listë. Për më tepër, shumë shpejt do të rikthehemi tek ju me një tjetër përzgjedhje lodrash!
Deri atëherë, urimet më të mira!
